Qayamat ki 72 Nishaniya

                 Hazrat Huzaifa (Radiyallahu Ta’ala Anhu) se Riwayat he k Huzure Akram (Saw) ne Irshad farmaya ke QAYAMAT k Qareeb 72 Bate pesh Aaegi.

Woh Nishaniya niche pesh ki jati he

1. Log NAMAZE Garat karne (chhodne) lagenge. (Yani NAMAZO ka Ehtimam Rukhsat ho jaega.)

2. Amanat Zae Karne lagenge. Yani jo Amanat un k Pas rakhi jaegi us me khayanat karne lagenge.

3. Sood (Wyaj,Intrest) khaya jaega.
4. Jhoot ko Halal samjne lagenge. (yani jhoot 1 fan (hunar) ban jaega. k kon kitni sifat se jhoot bol leta he)

5. Mamuli mamuli bato par khun rezi karne lgenge. Zara si bat pa dusre ki jaan le lenge.

6. Unchi-Unchi (Lambi, Tall) Imarate (buildeng) banaenge.

7. ILAM bech kar log Dunay jama karenge.

8. Qata Rahmee Yani Rishte daro se bad-suluki hogi.

9. Insaf naayab ho jaega.(Yani Insaaf mushkil se mil sakega)

10. Jhoot sach ban jaega.

11. Resham ka libas pehna jaega. (Yad rahe k Resham ka libas pehnna Mard k liye JAIZ nahi he)

12. Zulam aam ho jaega.

13. Talaq ki kasrat hogi. (Yani khub TALAQ di jaegi.) Yad rahe k Talaq dena halal or Jaiz kamo me sab se na pasandida kam he

14. Nagahani Maut aam ho jaegi. yani aisi maut aam ho jae gi jis ka pehle se pata na hoga. balki achanak pata chalega k falana abhi zinda theek thak tha or ab mar gaya.

15. KHAYANAT karne wale ko AMEEN (Amanat Dar) samja jaega. Yani jo Amanat me khayanat karta hoga. log usi par bharosa karne lagenge.

16. AmanatDar ko khain (khayanat karne wala) samja jaega. yani AMANATDAR par Tohmat (ILZAM) lagai jaegi k ye Amanat me khayanat karnewala he.

17. Jhoote ko Sach-cha samja jaega.

18. Sach-che ko Jhoota samja jaega.

19. Tohmatdarazi (ILZAM lagana) aam ho jaegi. Yani log Ek-Dusre par Jhooti Tohmate lagaenge.

20. Barish k bawajud Garmee hogi.

21. Log Awlad ki khwahish karne k bajae Awlad se karahat karne lagenge.

Aaj dekh le k Khandani Mansuba bandi (BIRTH CONTROL) ho rahi he. or ye nara lagaya jata he k “Bach-che Do hi achhe.”
22. Kameeno k Thath honge. Yani KAMEENE log bade Thath se aish or ishrat k sath zindagi guzarenge.

23. SHAREEFO ki Naak me Dam aa jaega. yani Shareef log apni sharafat ko le kar bethenge to Dunya se kat jaege.

24. Ameer or Wazeer Jhoot k aadi ban jaege. Yani sarbarahe hukumat (hukumat wale bat bat par jhoot bolenge.

25. Ameen khayanat karne lagenge. Yani jis k pas amanat rakhi jaegi woh us amanat me khayanat karne lage ga.

26. Sardar Zulam pehsa honge. yani qaum k sardar (Bade log) zulam karne wale honge.

27. Aalim or Qari badkar honge. Yani Aalim bhi he or Quran ki Tilawat bhi karte he Magar BADKAR he.(ALLAH KI PANAH)

28. Log janwaro ki khalo ka libas pehanne lagenge.

29. Dil Murdar se zyada badbudar honge.

30. Dil Elwe se zyada kadwe honge.

31. Sona (GOLD) aam ho jaega. (Jaisa aaj kal he.)

32. Chandi ki mang hogi. (Jaisa aaj kal he)

33. Gunah zyada honge. (yani log khub Gunaho me mubtala honge.)

34. Aman (Shanti, chain, Sukun) kam ho jaega.

35. Quran e Kareem k Nuskho ko Aarasta kiya jaega. or us par Naqsh o Nigar (Desigen) banaya jaega.

36. Masjido me Naqsh o Nigar kiya jaega. Yani khubsurat Desigens wali masjide hongi.

37. Unche Unche Minar banege. (Jaisa aaj ham dekh rahe he.)

38. lekin ( Masjido, Quran ko zinat wala banane k ba wajud) Dil wiran honge.

39. Sharab pee jaegi. yani sharab aam ho jaegi.

40. Shariat ki Sazae (Islamic Law) jaise (Zina, Chori, Bohtan, Khun etc.) ko khatam kiya jaega.

41. Beti ma par Hukumat karegi. or us k sath aisa suluk karegi jaise aaqa apni kaneez k sath suluk karta he.

42. Gair muhazzab log badshah banege. yani jo log nasab or Akhlaq k etibar se kameene or neeche darje k samje jate he wo hukumat karne lagenge.

43. Tijarat me Aurat Mard k sath shirkat karegi. jaise Aaj kal ho raha he k Aurate zindagi k har kam me mardo k shana ba shana chalne ki koshish kar rahi he

44. Mard Aurat ki naqal karenge,

45. Aurte Mardo ki naqal karenge.Aaj dekh le faishan ne ye halat kar di he k dur se dekho to pata lagana mushkil hota he k ye mard he ya Aurat ?

46. Gairullah ki Qasme khai jaegi.Qasam sirf Allah ki ya us ki Sifat ki kha sakte he. magar log or chizo ki qasam khaenge (tere sar ki, bap ki, Gause pak ki, Maula Ali ki
47. Musalman bhi bagair kahe jhooti Gawahi dene ko Taiyar ho jaenge.(or log to karte hi honge. magar Musalman bhi jhooti Gawahi dene ko Taiyar ho jaenge)

48. Sirf Jaan pehchan k logo ko salam kiya jaega.(Raste un logo se salam nahi kiya jaega jin se jan pehcan nahi he.agar jan pehchan he to salam kar lenge.)

49. Deen ka ILAM Dunya k liye padha jaega.

50. Aakhirat k naam se Dunya kamai jaegi.

51. Maal-e-Ganeemat ko Zaati maal samja jaega.

52. Amanat ko Loont ka maal samja jaega. Yaani agar kisi ne Amanat rakhwadi to samjenge k ye Loont ka maal hasil ho gaya.

53. ZAKAT ko Jurmana (TAX) samja jaega.

54. Sab se Razeel (kameena) Aadmi Qaum ka leedar or Qaid ban jaega.yani jo shakhs sab se zyada bad khaslat hoga us ko Qaum k log apna qaeed or Hero bana lenge.

55. Aadmee apne baap ki Na farmani karega.

56. Aadmee apni Maa se bad Suluki karega.(bure Akhlaq se pesh Aaega)
57. Dost Dost ko (Bila zizak) Nuqsan pahochaega.

58. Shohar biwi ki itaat karega. (Biwi ki Baat man kar chalega)

59. Badkaro ki Aawaze masjido me Buland hongi.

60. Gaane wali Aurato ki Izzat ki jaegi. Yani jo gane-bajane ka kaam karne wali he un ko buland martaba diya jaega.

61. Gaane bajae or mosiqi k Saman ko hifazat se Rakha jaega.

62. Aam Rasto par Sharab pee jaegi.

63. Zulam karne ko Fakhr samja jaega. ( Achha kam samja jaega.)

64. Insaf bikne lagega. Yaani Adalato (CAURT) me insaf farokht hoga. log paise dekar us ko kharidenge.

65. Police walo ki kasrat hogi. (Police wale bahot zyada hogne. jaise k aaj kal he.)

66. Qurane kareem ko Nagma (Gaane) ka zariya banaya jaega. (Quran ko Sawab hasil karne k liye nahi padha jaega.)

67. Darindo (Fadkhanewale janwar) ki khal ka istiamal kiya jaega.

68. Ummat k Aakhri log apne se pehle logo par l’an-t’an karenge. Yani un par Tanqeed karenge or un par etemad nahi karenge.

69. Ya to tum par surkh Aandhiya Aaegi

70. Ya zalzale Aaenge.

71. Ya logo ki Surate badal jaegi.(Hadees ka mafhum he k Raat ko log Gaane Baaje me lagenge or Subah un ki surate bandar or Suwwar jaisi ho jaegi.

72. Ya Aasman se Patthar barse ya Allah ki taraf se koi or Azab aajae.

(ALLAH ki Panah)

-Durre Mansur 6:52
Mohammed Raza Markazi

Advertisements