Assalaamualaikum

Wasile k Talluq se Chand Dalaeel peshe khidmat hai.

Aayat1: Wa lau Annahoom Izzalamo  anfusahoom jaa oka fastaghfirullaha wastaghfara lahomurrasoolu la wa jadullaha tawwabarrahim.
Tarjuma: Agar wo log apni jaano par zulm karein(Gunah karein) to Aye Mehboob wo Tumhare Huzoor Haazir ho phir Allah se Mu’afi chahe aur Rasool un ki Shafa’at chahe to zaroor Allah ko tauba Qubool farmane wala Meharbaan paenge.
(Para:5, Sureh Al-Nisa, Aayat:64)

Is Aayate Kareema mei Allah Ta’ala ne Baraahe Raast apni taraf rujoo’o karne ka hukm na de kar Rasoolullah Sallallahu Ta’ala Alaihe Wasallam ki baargaah mei Haazri ka Hukm diya hai. Is ke saath ye bhi pata chala ke Huzoor bhi un gunahgaro ki sifarish farmaenge jo Huzoor ke Darr par Haazir honge.

Allama Nabhaani Rehmatullahi Ta’ala Alaihe apni kitab mei Tehreer farmate hai:

Hazrat ALI Radiyallahu Ta’ala Anhu farmate hain ke, Jab HUZOOR Sallallahu Alaihe Wasallam ke wisaal farmane ke kuch roz baad ek aaraabi Qabr e Anwar par haazir hua aur Qabr e Anwar ki khaak apne sar par daalne ke baad kehne laga:
“YA RASOOLALLAH Sallallahu Alaihe Wasallam! Jo kuch aapne farmaya hum ne suna aur Aap se humne Quraan ki ye aayat bhi suni ke
‘Jo log apni jaano par zulm kar baithe wo aap ke paas haazir ho.’
Aye ALLAH ke RASOOL Sallallahu Alaihe Wasallam! Main apni jaan par zulm kar baitha hu aur ab gunaahon ki muafi ke liye Aapke paas aaya hun.’
Aaraabi ne ye kaha to Qabr Anwar se aawaaz aayi ke, ‘Jaao! ALLAH ne tumhe bakhsh diya.’
SUBHANALLAH.
(Hawala: Hujjatullah Alal A’alamin, Safa-777)

Aayat2: Ya ayyuhalladhina AAMANUTTAQULLAH wab Taghu Ilayhil WASILATA wa jaahidu fi Sabilihi Laallakum Tuflihoon.
Tarjuma: Aye IMAAN walo Allah ki Raah mei WASILA DOONDHO aur us ki Raah mei Jihad karo is ummed par k Falaah pao.
(Para 6, Sureh AlMaidah, Aayat35)

Is Aayat ki Tafseer mei Haashiya Saavi Alal Jalalain mei hai:
“Wa min Jumlati zaalika ma-habbatu Anbiyaillahi wa Awliyaehi”
Tarjuma: Aayat mei Mazkoor Wasile ke ma’ani mei Anbiya, Awliya ki Muhabbat bhi Daakhil hai.

Ab Chand Ahadith Mulahiza farmae:-

Hadith1:
Hazrat Anas bin Maalik Radiyallahu Ta’ala Anhu se Marvi hai ke Jab Madina Munawwara mei sookha pada tha to Hazrat Umar Farooq Radiyallahu Ta’ala Anhu Hazrat Abbas bin Abdul Muttalib Radiyallahu Ta’ala Anhu ke Wasile se Baarish ki dua mangte thye aur kehte thye YA ALLAH hum tere Nabi ke Wasile se Baarish mangte thye to hum par Baarish hoti thi ab hum tere Rasool ke chachaa ke Wasile se Baarish Mangte hai to tu hum ko Sairaab karde. Hazrat Anas kehte hai ke Hazrat Umar ki is Dua se Khoob Baarish hui.
(Hawala:Bukhari Sharif, Jild:1, Abwabul Istisqaae, Safa:132)

Is Hadith se is baat ka pata chala Ke Allah ki Baargaah mei Huzoor Akram Sallallahu Alaihe Wasallam ka Wasila lagana jaiz hai, saath hi ye bhi Ma’aloom hua ke Wasila lagana Sahaba ka bhi tariqa tha agar Wasila Shirk aur Haram hota to Hazrat Umar Wasila kyu lagate???

Hadith2:
Hazrat Umaiyya bin Khalid Radiyallahu Ta’ala Anhu se Marvi hai ke Rasoolullah Sallallahu Alaihe Wasallam Muhaajireen Durwesho ke Wasile se Jungo mei Fat-he ki Dua Mangte thye.
(Hawala:Mishkat Sharif, Baabul Fazlil Fuqaraae, Safa:447)

Hadith paak ka Aakhri Jumla ye hai “Annahu Kaana Yastaftihu BisaA’likil Muhaajireen”

Musalmano zara gaur karo aaj Wahabi Ahle Hadas, Deobandi Tabilgi badi aasani se Bagair Dalil ye keh dete hai k Wasila Shirk hai Wasila Haram hai lekin un Jaheelon ko pata bhi nahi hai k Wasila lagana to humare Pyare Aaqa ki bhi Sunnat hai.

Hadith3:
Hazrat Ali Radiyallahu Ta’ala Anhu se marvi hai ke Rasoolullah Sallallahu Alaihe Wasallam se maine suna hai ke Abdaal Mulk-e-Shaam mei honge aur wo chaalis (40) honge. Jab un mei se ek duniya se Rukhsat hota hai to un ki jagah Khuda e Ta’ala dusre ko bhej deta hai. Un ki barkat se Baarishen Barasti hai. Un ke Wasile se Dushmano par Fat-he hoti aur un ke Tawassul se Shaam walo se Azaab dor hota hai.
(Hawala: Mishkat Sharif, Baab Zikril Yamani wasshaam, Safa:582)

Agar koi Bhola bhala Musalman Sunni ye keh de ke Gaus paak ki barkat se Garib Nawaz ke Karam se mera falaa falaa kaam hua tab yahi Najd ke Bhediye, Wahabade Gair Muqallid Deo k bande MUNAFIQ us bechaare ko Mushrik keh dete hai aur kehte hai k Barkat dena, Karam Karna to Allah k liye hai, lekin dekho Pyare Nabi Sallallahu Ta’ala Alaihe Wa Aalihi Wasallam kya farma rahe hai
“Abdaalon ki barkat se Baarish Barasti hai. Un ke Wasile se Dushmano par Fat-he Haasil hoti aur un ke Tawassul se Shaam walo se Azaab dor hota hai.”
Batao Wahabado ab kya kahoge????

Hadith4:
Hazrat Abu Saeed Radiyallahu Ta’ala Anhu se Marvi hai ke Rasoolullah Sallallahu Alaihe Wasallam ne irshaad farmaya ke ek Aisa zamana aaega jab log fauj dar fauj ho kar Jihaad karenge to un se pocha jaega ke tumhare darmiyan koi aisa shaks hai jis ne Rasoolullah Sallallahu Alaihe Wasallam ki Sohbat(saath) ka Sharf Haasil kiya hai? Jawab mei kaha jaega Haa. To us ki Barkat o Wasile se Jung mei Fat-he Hogi. Phir ek zamana aaenga aur log jihad karenge to un se maloom kiya jaega ke tum me koi aisa hai jo Huzoor ke Sahaba ko dekha ho? Jawab hoga Haa. To us ke Wasile se Jung mei kamyabi milegi. Phir ek zamana aaega aur log Jihad karege to un se pucha jaega ke tum me koi aisa hai jis ne Huzoor ke Sahaba ki Sohbat(saath) haasil karne walo ki Sohbat(saath) ka sharf haasil kiya ho? Jawab hoga Haa hai. To us ke Zariye kamyabi Haasil hogi.
(Hawala: Bukhari Sharif, Jild:1, Baab Manis taa’ana Biddua’fae wassaliheena fil Harbi, Safa:406)

Ye Hadith saaf taur par bata rahi hai ke Huzoor Paak Sallallahu Alaihe Wasallam ka maqam to Allah hi jane. Aap Sallallahu Alaihe Wasallam ke Ghulamo(Sahaba-e-kiraam) ke Ghulamo(Tabe’een) ke Ghulamo(Tab’a Tabe’een) ki shaan ye hai ke Wasile se Jungon mei Islami faujo ko Fat-he Haasil hoti hai.

Hadith:5
Hazrat Sa’ad bin Abi Waqqas Radiyallahu Ta’ala Anhu se Riwayat hai ke Rasoolullah Sallallahu Ta’ala Alaihe Wasallam ne farmaya ke tumhari Madad ki jaati hai aur tumhe Rozi milti hai ye sab tum mei ke Daeef(Zaeef) logon ka Wasila hai.
(Hawala: Sahih Bukhari Sharif, Jild:1, Baab Manis taa’ana Biddua’fae wassaliheena fil Harbi, Safa:405)

Yahan ye baat bhi Qaabil e Gaur hai ke Hadith number 4 aur 5 ke liye Mashoor o Ma’arof Muhaddith Imam Bukhari Rehmatullahi Ta’ala Alaihe ne apni Jaame Sahih Bukhari mei jo BAAB lae hai yaani “Baab Man is taa’ana Biddu a’afae wassaliheena fil Harbi” is ka tarjuma hi yahi hai ke “Jungon mei Kamzooro wa Neiko ke Wasile se Madad chahana”

Is se pata chala ke Imam Bukhari Rehmatullahi Ta’ala Alaihe ke Nazdeek bhi Allah ki Baargaah mei Wasila lagana jaiz hai saath hi is baat ka bhi pata chala ke Awliyaullah ka Wasila bhi jaiz hai.

Hadith:6
Hazrat Usmaam bin Hanif Radiyallahu Ta’ala Anhu se Marvi hai ke ek Sahab jo Nabeena thye, Huzoor Nabi Karim Sallallahu Ta’ala Alaihe Wasallam ki Khidmat mei Haazir hue aur Arz kiya Ya Rasoolullah! Allah Ta’ala se dua kijiye ke meri Aankhein theek ho jae yani meri binaae wapas Aa jae. Huzoor Sallallahu Ta’ala Alaihe Wasallam ne Irshad farmaya ke tum chaho to mai Dua karun aur chaho to Sabr karo. Aur ye Sabr karna zyada Accha hai. Wo Sahab Arz karne lage Huzoor Dua farma dijiye, Huzoor Nabi Karim Sallallahu Ta’ala Alaihe Wasallam ne un ko Hukm diya ke wo Acchi tarah Wuzu karein aur ye Dua karein.
Aye Allah mei tujh se Mangta hoon aur tere Taraf tere Nabi Hazrat Muhammed Sallallahu Ta’ala Alaihe Wasallam ko Wasila bana kar Mutawajjeh hoon. Jo Rehmat wale Nabi hai aur Ya Rasoolullah mai Aap ke Wasile se Apne Rab se Dua karta Hoon Taa ke Meri ye Haajat puri ho aur Aye Allah tu Huzoor Sallallahu Ta’ala Alaihe Wasallam ki Shafa’at mere Haq mei Qubool farma.
(Hawala: (1)Tirmizi Sharif, Jild:2, Baab Fi Ahaadisa shatta min abwaabidda’waat, Safa:197
(2) Mishkat sharif, Jild:3, Baab Jaame Iddu’a, Safa:219)

Is Hadith mei Naabena Sahabi ka Huzoor Sallallahu Ta’ala Alaihe Wasallam ki khidmat mei apni Haajat barari ke liye jana Wasila hai aur Huzoor Sallallahu Ta’ala Alaihe Wasallam ne un ko jo Dua Ta’alim farmai is mei bhi apne Wasile se Dua Mangne ka Hukm diya. Balke is Hadith se Sahabi ka bhi Aqidah ka pata chala ke un ke Nazdik bhi Huzoor Sallallahu Ta’ala Alaihe Wasallam lagana jaiz hai. Agar Wasila lagana Shirk ya Haram hota toh Pyare Nabi apne Pyare Sahabi se Farma dete ke jao DIRECT Allah se maango, lekin dekho jab Mere Pyare Aaqa ke Wasile se dua Mangne ko mere Aaqa ne bhi pasand farmaya.

Hadith:7
Hazrat Abdullah bin Dinar Radiyallahu Ta’ala Anhu se Marvi hai ke Hazrat Abdullah ibne Umar Radiyallahu Ta’ala Anhu jab Safar ko nikalte ya safar se wapas aate to pehle Rasoolullah Sallallahu Ta’ala Alaihe Wasallam ki Qabr e Anwar par Hazri dete, Huzoor par Durood Padhte aur wahan se Dua mangte aur wahan se laut jaate.
(Hawala: Mu’tta Imam Malik ba riwayat Imam Muhammed, Baab Qabrin Nabiyyin wa ma yustahabbu min Zalik, Safa 396)

Hazrat Abdullah ibne Umar Radiyallahu Ta’ala Anhu Safar se aate aur jaate waqt Rasoolullah Sallallahu Ta’ala Alaihe Wasallam ki Qabr e Anwar par Hazri dete, aur unka Khade hokar Durood sharif padhna aur Dua mangna yaqinan Wisaal ke baad Aap ki Qabr e Anwar ko aur Wisaal ke baad Aap ko Wasila banana hai, warna Dua har jagah maangi ja sakti hai, Qabr e Anwar par Dua Mangne ka Aakhir aur kya Matlab hai???? Kya ye Wasila na hua?????
Wallahu Aalam wa Rasoolohu Aalam

Yahan tak aap ne Wasile Ke Mut’alliq Qur’an o Ahadith ki roshni mei padha ab mai aap ke Saamne Wasila par Wahabiyon ke Aqideh ko pesh kar raha hoo.

(1) Jisne Nabi Akram ko Wasila banaya us ne kufr kiya.(Ma’azAllah) (Hawala: Addarussunniyah, Safa: 39)

(2) Wafat ke baad Nabi ka Wasila jaiz nahi to aur ka kis tarah jaiz hoga.(Ma’azAllah) (Hawala: Kitab: Wasila e Buzurgaan, Safa:3, Musannif: Haafiz Abdullah Rau-pa-di)

(3) Ambiya aur Awliya Allah Ta’ala ki Ata se Tasarrof farmate hai aur Allah Ta’ala ki baargaah mei humare Sifarshi aur wakil hai, ye sab kuch Shirk aur Khurafaat hai. (Nauzubillahi min zaalik) (Hawala: Kitab: Taqwiyatul Imaan, Musannif: Maulvi Ismail Dehlvi, Safa:6)

(4) So jo koi kisi ko apna wakil aur Sifarshi aur Nazr o Niyaz karein to Is ko Allah ka Banda aur Makhloq hi samajhe so Abu Jahl aur wo Shrik mei Barabar hai. (Ma’azAllah) (Hawala: Kitab: Wasila e Buzurgaan, Safa:3, Musannif: Haafiz Abdullah Rau-pa-di)

Musalmano dekha aap ne Ek taraf Aashiqaane Rasool (Sahaba) hai jo Allah ki baargah mei Huzoor ka Wasila laga rahe hai, to dusri taraf Gustakhe Rasool Shaytan Mardood Wahabi hai jinhe Wasila Najaiz o Haram Nazar aa raha hai Allah ki baargah mei Dua hai k Maula hame Shaytan Ke Shar aur Wahabiyon(deobandi, Ahle Najees, Tablighi Jamat) ke Makr se fahfooz farmae.

Sunniyon se Appeal……..
Musalmano yaad rakho Wahabi, Deobandi, Ahle Hadas, Tablighi, Maudoodi jamat k log Hamesha aise logo se hi sawal karte hai jin ke paas kehne k liye kuch Dalil nahi rehti, Agar un Gustakho ko Dalil di bhi jae to wo bahane bana ne lagte hai k Aayat ka matlab aisa nahi…….Hadith ka tarjuma galat hoga wagairah wagairah kyun ke Unhe Dalil ko qubool hi nahi karna hai is liye is tarah k Bahane bana ne lagte hai ya phir kehte hai ke hum apne Maulana se puchenge. Un ka ye tariqa hi un ki Munafiqat Zaahir kar deta hai lihaza kabhi kisi Gumraah ki baaton mei na aae.
Allah ki Baargaah mei Allah ke Mehboob bando ka Wasila lagana Qur’an o Ahadith se Saabit hai, lihaza kisi Najdi Wahabi Munafiq ke Kehne par na jae un ki Dalil unhi ki tarah jhooti Khalis un ki Tabia’t hai na ke Shari’at..
Mohammed Raza Markazi
Markazi Sunni Darul Ifta
Malegaon

Advertisements