★ASSALAM O ALAIKUM
WARAHMATULLAHE
WABARAKATOHU★
☆BISMILLAH HIR RAHMAN NIR
RAHIM☆
》 Aap Sallallaho Alyhe Wasallam Ki
Nazakat Wa Pakizgi 《
Hazrat E Anas Bin Maalik Radiallaho
Anho Se Rivayat Hai Ke
✏ Maine Huzur Sallallaho Alyhe
Wasallam Ke Jisme Mubarak Ki
Khushbu Se Barh Kar Kisi Anbar ,
Kastoori Aur Kisi Chiz Ki Khushbu Ko
Na Paaya.
(Sahih Muslim , 4/ S 1814)
Hazart e Jaabir Bin Samrah Se Marvi
Hai Ke Jab Huzur Sallallaho Alyhe
Wasallam Ne Mere Rukhsar Ko Chua
Woh Kehte Ha Ke Maine Aapke Dast e
Aqdas Me Aisi Thandak Aur Khushbu
Paayi Ke Goya Aapne Abhi Attar Ka
Dibba Se Apna Haath Bahar Nikala
Ho. Aur Aap Jis se Bhi Musafah Karte
Woh Saksh Poora Din Apne Haath Me
Khushbu Ko Paata. Aur Jo Bache Ke
Sar Par Haath Pher Dete toh Woh
Bachha Khushboo Se Pahchana Jaata.
(Sahih Muslim , 4/ S 1814 & 1815)
Ek Martaba Aap Hazrat e Anas Ke
Yahaan Aaram Farma Rahe The. Aapko
Pasina Aaya . Hazrat e Anas Ki
Waalida Ek Shishi Laayi Aur Aapka
Pasina Jamaa karne Lagi. Jab Aapne
Daryaaft Kiya Toh Unhone Kahaa Mai
Usko Apni Khushboo Ko Rakhugi Yeh
Sab Se Umdah Aur Tayyab Khushboo
Hai.
(Sahih Muslim Wa Bukhari )
( Majma ul Zawaid , 8/ S 282)
(Sunan Darimi , 1/ S 32)
Hazrat E Aayesha Siddiqa Radiallaho
Anhaa Se Marvi Hai Ke
✏ Maine Huzur Sallallaho Alyhe
Wasallam Se Arz Kiyaa Ke Huzur Bayt
ul Khala Me Jaate Hai Lekin Hum
Wahan Rafea Haajat Ka Koi Nishaan
Nahi Paate.
Huzur Sallallaho Alyhe Wasallam Ne
Farmaya ” Aye Aayesha Tum Ko
Maalum Nahi Ke Zameen Un Fazeelat
Ko Nigal Jaati Hai Jo Anbiya E Kiraam
Alyhimussalam Se Nikalti Hai. Hum
Me Se Aisi Chiz Hargiz Nahi Dekh
Sakogi.
(Mustadrik Haakim , 4 / S 72)
Hazrat E Ali Murtuza Karrama Allaho
Wajah Hul Kareem Se Marvi Hai Ke
✏ Jab Maine Nabi E Kareem
Sallallaho Alyhe Wasallam Ko Gusl
Diya. Pas Mai Dekhne Laga Ke Koi
Aise Chiz To Nahi Nikli Jo Mayyat Me
Se Niklti Hai. Maine Wahan Kuch Na
Paaya. Tab Maine Kahaa ” Ya Rasool
Allah Sallallaho Alyhe Wasallam Aapki
Zindgi Bhi Tayyab o Taahir Aur
Wisaal Bhi. Aur Farmaya Ke Badan E
Aqdas Se Aisi Khushboo Nikli Ke
Maine Aisi Khushboo Kabhi Na Paayi
Thi.
(Sunan Ibn E Maja , 1/ S 47)
(Mustadrik Haakim , 3/ S 362)
✏ Isi Tarah Hazat E Aboo Bakr Siddiq
Radiallaho Anho Ne Farmaya Tha Jab
Aapne Huzur Sallallaho Alyhe
Wasallam Ke Wisaal Ke Baad Payshani
Par Bosa Diya Tha.
(Aboo Dawood, S 177)
(Dalail Nabuwwat , 3 / S
257)
✏ Jab Maalik Ibn E Sanaan Ne
Gazwah E Ohad Me Aap Ke Jism ka
Khoon Pi Liyaa Tha Tab Aapne Unke
Liye Jaayez Karar Karte Huwe Kahaa
Ke Usko Aag Hargiz Na Chuegi.
(Tibrani Awsat Ba Hawala Majma Ul
Zawaid , 8/ S 280)
✏ Isi Tarah Ek Aurat Ne Aap Ka Baul
(Paishaab Mubarak ) Pi Liyaa Tha. Tab
Aapne Farmaaya Tha Ke ” Kabhi Tujko
Pait Ki Beemari Na Hogi.
(Shifa Shareef , S 77)
Aur Usme Se Kisi Ko Bhi Huzur Ne
Moonh Dhone Ka Hukm Na Farmaya
Aur Dobarah Aisa Na Karne Ko Manaa
Farmaya
✏ Sallallaho Alyhe Wasallam Wa
Riwanullahe Taala Alyhim Ajmain

Advertisements